Shaniece Willingham, ung móðir frá Valrico í Hillborough-sýslu í Florida, er grunuð um að hafa reynt að drekkja þremur börnum sínum í almenningssundlaug. Atvikið átti sér stað þann 24. september síðastliðinn. Lögregla kom á vettvang eftir að tilkynning barst um málið og fann þar Willingham sitjandi við laugarbakka.
Að sögn heimildarmanna höfðu ættingjar hennar dregið börnin, sem eru 8 mánaða, tveggja ára og þriggja ára, upp úr vatninu áður en lögreglan kom. Börnunum var komið í skjól á nærliggjandi heimili til að tryggja öryggi þeirra. Rannsókn málsins leiddi í ljós að Shaniece hafði flúið heimili foreldra sinna eftir rifrildi og tekið börnin með sér.
Í myndbandi sem hún deildi á netinu sagði hún að þetta væri lokakveðja hennar og að hún þoldi ekki meira. Hún lýsti ást sinni á börnunum, en sagði að hún gæti ekki skilið þau eftir þar sem enginn myndi sjá um þau, en þau yrðu örugg hjá Guði.
Ættingjar hennar, sem höfðu séð myndbandið, hlaupa að sundlauginni og björguðu börnunum úr vatninu. Shaniece var handtekin á staðnum og hefur verið kærð fyrir þrjár manndrápstilraunir.
