Forsetahjónin í Frakklandi, Emmanuel og Brigitte Macron, eru nú í lögfræðilegum átökum við áhrifavaldið Candace Owens. Owens heldur því fram að Brigitte sé transkona og hefur jafnframt boðið sig fram til að leggja orðspor sitt að veði í málinu. Hjónin hafa hins vegar staðfastlega neitað þessum ásökunum og sögðu að þau hafi ekkert að fela.
Macron-hjónin hafa stefnt Owens í meiðyrðamáli og tilkynnt að þau muni leggja fram „vísindalegar sannanir“ fyrir kyni forsetafrúarinnar í málinu. Lögmaður hjónanna hefur lýst því yfir að málið hafi verið þeim þungbært, og að þessar samsæriskenningar um kyn Brigitte séu orðnar truflandi fyrir forsetann í starfi hans.
Lögmaðurinn sagði að þau myndu leita að sérfræðingum til að vitna í vísindaleg gögn og að forsetahjónin séu reiðubúin að sanna að Brigitte sé líffræðilega kvenkyns. „Það er ótrúlega íþyngjandi tilhugsun að þurfa að ganga í gegnum þetta og leggja fram sannanir af þessu tagi. Þetta er ferli sem hún mun þurfa að gangast undir með mjög opinberum hætti. En hún er tilbúin í þetta,“ útskýrði lögmaðurinn.
Hann bætti við að Brigitte myndi leggja fram myndir sem sýna hana ólétta, sem hluta af sönnunarferlinu. Forsetinn var spurður í ágúst hvers vegna þau væru að fara í málaferlin. „Þetta snýst um að verja heiður minn. Því þetta er kjaftæði. Þetta er manneskja sem veit fullvel að hún er með falskar upplýsingar en heldur þessu samt fram til að valda skaða til að þjóna hugmyndafræði sinni og tengslum við leiðtoga öfgahægrisins,“ sagði Emmanuel Macron í svörum sínum.
Samkvæmt fréttum frá BBC er málið nú í fullum gangi og munu Macron-hjónin leggja fram frekari sönnunargögn til að styðja málsvörn sína.
