Hvíta húsið í Bandaríkjunum er nú í miðju umfangsmiklu niðurrifi á austurálmuna, samkvæmt nýjustu gervihnattamyndum. Þær sýna að nær eingöngu grunnurinn stendur eftir, þar sem framkvæmdum hefur verið hrundið af stað.
Donald Trump, forseti Bandaríkjanna, hefur ákveðið að rífa austurálmuna til að rýma fyrir nýjum hátíðarsal. Áætlað er að framkvæmdin muni kosta 300 milljónir bandaríkjadala. Í austurálmunni voru áður skrifstofur forsetafrúarinnar, sem nú verða fluttar annað.
Þrátt fyrir að framkvæmdirnar hafi verið boðaðar með skömmum fyrirvara, kynnti Trump upphafleg áform sín í júlí. Á þeim tíma greindi hann ekki frá því að austurálman yrði rifin, heldur einungis að hátíðarsalurinn yrði byggður.
Í gær kom Trump á framfæri að það hefði verið miklu hagkvæmara að rífa alla austurálmuna, frekar en að breyta henni eða rífa að hluta til til að koma salnum fyrir. Karoline Leavitt, fjölmiðlafulltrúi Hvíta hússins, staðfesti í gær að niðurrifið myndi ekki kosta bandaríska skattgreiðendur einn aur.
