Samningar hafa verið gerðir milli Sjúkratrygginga Íslands og Ljóssins, sem er endurhæfingarmiðstöð fyrir einstaklinga sem hafa greinst með krabbamein. Þetta kom fram í svari Ölmu Möller, heilbrigðisráðherra, við fyrirspurn Guðrúnar Hafsteinsdóttur, formanns Sjálfstæðisflokksins, í óundirbúnum fyrirspurnartíma í upphafi þingfundar.
Alma greindi frá því að ekki væri útilokað að Ljósið fengji viðbótarfjármagn. Guðrún benti á að ákvörðun ríkisstjórnarinnar um að lækka framlag til Ljóssins um 200 milljónir væri pólitísk. „Meira verður skilningsleysið á kjarna velferðar ekki,“ sagði hún.
Alma svaraði því til að nú þegar hefðu loks náðst samningar milli Sjúkratrygginga og Ljóssins fyrir þetta ár, og að möguleiki væri á áframhaldandi samningum. Hún bætti við að ekki væri boðlegur málflutningur að halda því fram að verið væri að skerða fjárframlag til Ljóssins, þar sem félaginu hefði verið veitt 195 milljóna króna fjárveiting frá fjárlaganefnd í fyrra.
