Klak – Icelandic Startups hefur nýlega kynnt Klak Health, fimm vikna viðskiptahraðal sem er hannaður til að efla sprotateymi í heilsutækni. Tíu teymi hafa verið valin til þátttöku í hraðlinum og kynntu þau fyrstu verkefnin sín á kynningarviðburði í Höfuðstöðinni í dag.
Bakhjarlar hraðalsins eru Landspítali, Heilbrigðisráðuneytið, Íslandsbanki, Helix, Kerecis, Lifa VC, Veritas, Össur og Nox Medical. Markmið hraðalsins er að hraða þróun sprotafyrirtækja í heilsutækni með því að veita þátttakendum sérhæfða fræðslu, einstaklingsmiðaða leiðsögn frá reynslumiklum mentorum og skapa tengsl við fjárfesta og lykilaðila í vistkerfinu.
Á viðburðinum kynntu teymið lausnir sem miða meðal annars að bættri heilbrigðisþjónustu, nýrri lyfjaþróun og gagnadrifinni lýðheilsu. „Markmið Klak Health er að styðja sprotateymi í heilsutækni með sértækri fræðslu, handleiðslu og sterku tengslaneti, og þannig stytta leiðina frá hugmynd að markaði,“ segir Ásta Sóllilja Guðmundsdóttir, framkvæmdastjóri Klak.
Úrval teymanna í Klak Health 2025 endurspeglar bæði breidd og styrk íslensks hugvits, og stjórnendur hraðalsins hlakka til að fylgja þeim eftir á næstu vikum.
