Fjarskiptainnviðafyrirtækið Míla hefur lokið prófunum á nýju bylgjulengdarkerfi sem nær flutningsgetu upp á 1,6 terabitum um hundruð kílómetra. Með þessum nýja kerfum er um að ræða fjórföldun á flutningsgetu miðað við núverandi kerfi sem ber 300-400 gigabita á sekúndu.
Í tilkynningu frá Mílu kemur fram að bylgjulengdarkerfið sé grundvöllur fjarskiptakerfis fyrirtækisins og nýtir núverandi ljósleiðara. Prófanir á þessu uppfærða kerfi leiddu til þess að kerfið náði að flytja 1,6 terabitum gagnamagns fram og til baka milli Reykjavíkur og Akureyrar, eða 468 kílómetra, á einni bylgjulengd.
Uppfærslan kemur frá fyrirtækinu Ciena, sem er leiðandi í bylgjulengdarkerfum um heimsins. Markmiðið með prófununum var að kanna getu kerfisins til að flytja meira gagnamagn á öruggari og skilvirkari hátt en áður. Erik Figueras Torres, forstjóri Mílu, segir að uppfærslan hafi staðist prófanir með glæsibrag og farið fram úr björtustu vonum sérfræðinga fyrirtækjanna.
„Með þessari nýjung stefnir Míla að því að styrkja innviði sína, tryggja enn betri þjónustu fyrir viðskiptavini um allt land og bregðast við sívaxandi þörf fyrir hraðari og öruggari nettengingar um land allt,“ segir Erik Figueras Torres. „Bylgjulengdarkerfi gerir okkur kleift að nýta betur þá ljósleiðara sem fyrir eru og þannig margfalda flutningsgetu þeirra. Með því að aðgreina upplýsingar eftir mismunandi bylgjulengdum eykst bæði hraði og umfang gagnaflutnings, án þess að leggja þurfi nýjar ljósleiðaralagnir, sem er bæði umhverfisvænt og hagkvæmt.“
Uppfært kerfi mun nýtast öllum viðskiptavinum Mílu, ekki síst gagnaverum sem þurfa mikla bandvídd og eykur getu gagnaveranna á móti sæstrengjum.
