Mitsubishi Motors kynnti nýjan rafknúinn Eclipse Cross á dögunum í Brussel. Bíllinn er hannaður sérstaklega fyrir Evrópumarkað og er 100% rafdrifinn.
Þessi nýja útgáfa af Eclipse Cross markar endurkomu Mitsubishi Motors á evrópskan rafbílamarkað, þar sem fyrsti fjóldaframleiddi rafbíll heims, i-MiEV, var einnig frá fyrirtækinu. Bíllinn kemur fyrst á markað með 87 kWh rafhleðslu, sem er áætluð WLTP-drægni yfir 600 km. Að auki er áætlað að meðaldræg útgáfa verði kynnt seinna á árinu 2026.
Hraðhleðslumöguleikar allt að 150 kW tryggja notendum að þeir geti ekið án áhyggna, hvort sem er í daglegu lífi eða á lengri ferðum. Framleiðsla á bílnum mun hefjast í lok árs 2025 í Douai-verksmiðjunni í Frakklandi.
Nýr Eclipse Cross bætir nýju við endurnýjað vöruúrval Mitsubishi í Evrópu, sem einnig inniheldur Outlander PHEV og nýjan Grandis. Bíllinn mun gegna lykilhlutverki í vexti Mitsubishi í Evrópu, þar sem fyrirtækið hefur einnig tilkynnt um endurkomu sína á belgíska markaðinn.
Þessi nýja útgáfa af Eclipse Cross endurspeglar núverandi hönnunarstefnu Mitsubishi, þar sem Dynamic Shield Concept er áberandi í framhliðinni, ásamt Wide Hexagon-formum. Sportlegt útlit bílsins er undirstrikað í stílhreinu litavali og 19″ eða 20″ álfelgum. Að auki er stórt rafstýrt glerþak, sem gerir ökumönnum kleift að stjórna birtustigi í bílnum, og farangursrýmið er allt að 1.670 lítrar, sem gerir það hentugt fyrir fjölskyldufólk og þá sem þurfa gott pláss á ferðalögum.
