Eigendur frístundahúsa í Grímsnesi hafa lýst yfir harðri andstöðu við áform um námuvinnslu í Seyðishólum. Þeir hafa áhyggjur af því að flutningur á efni úr námuvinnslunni muni aukast verulega um sumarmánuðina. Samkvæmt heimildum er efnið að mestu leyti ætlað til útflutnings frá Þorlákshöfn.
Guðrún M. Njálsdóttir, sem er einn eigenda frístundahúss á svæðinu, sagði í samtali við Morgunblaðið: „Það versta við þetta er að þeir ætla að keyra efnið úr námunni yfir sumarmánuðina.“ Hún bætir því við að í sumarhúsabyggðinni í nágrenni Seyðishóla séu á milli 300 og 400 hús og eigendur þeirra séu ekki sáttir við áformin.
Núverandi námuop sé í beinni sjónlínu frá mjög mörgum lóðum í nágrenninu. Guðrún bendir á að malarnámið hafi ekki skapað atvinnu í sveitarfélaginu, þar sem flutningabílar komi frá Þorlákshöfn, og eina atvinnan sem skapast myndi á svæðinu væri tengd niðurbroti á námunni og mokstri á bílana.
