Á Íslandi er nú aðeins hægt að slátra geitum, en engin afurðastöð vill kaupa það kjöt, að sögn Hákons Bjarka Harðarsonar, formanns deildar geitfjárbænda hjá Bændasamtökunum. Hann bendir á að mikilvægt sé að vernda íslenska geitastofninn, sem er í útrýmingarhættu.
Hákon segir að það kosti bæði tíma og peninga að slátra heima, sem leiði til þess að sumir bændur haldi færri geitum en þeir hefðu viljað. Slíkar aðstæður hafa neikvæð áhrif á stofninn. „Aðeins er í boði að slátra gripunum, en engin afurðastöð vill kaupa kjötið. Þessu þarf að breyta svo geitabændur sitji við sama borð og aðrir bændur,“ segir Hákon.
Mismunandi er eftir því hvaða sláturhús er um að ræða hvort hægt sé að senda geitur með öðru sauðfé eða hvort það sé aðeins í boði í lok slátrunartímabilsins.
