Vélfag hefur ákveðið að höfða mál gegn íslenska ríkinu, og fleiri málsóknir eru í bígerð á erlendri grundu, þar á meðal í Luxemborg fyrir EFTA og EES dómstólum. Þetta kemur fram í tilkynningu frá félaginu.
Aðgerðir utanríkisráðuneytisins hafa leitt til þess að félagið hefur fengið skilyrta undanþágu frá þvingunarheimildum í fjórar vikur. Eftir þann tíma verður félagið að leggja fram „afgerandi gögn eða upplýsingar“ til að losna undan þvingunum. Í tilkynningu Vélfags kemur fram að ráðuneytið hafi ekki tilgreint hvaða gögn sé krafist.
Félagið varar við því að ef þessar aðgerðir halda áfram, gæti það leitt til gjaldþrots innan fjórtán daga. Ekkert hefur komið fram um að hvorki Vitaly Orlov, Nikita Orlov né núverandi meirihlutaeigandi hafi verið á neinum viðurlagalista. Þá er engin tenging milli núverandi hluthafa og Norebo.
Vélfag telur að aðgerðir stjórnvalda séu óhóflegar og byggðar á veikum lagagrundvelli. „Slíkar aðgerðir gætu leitt til umfangsmikilla málaferla vegna skaðabóta gegn íslenska ríkinu, sem að lokum myndi lenda á skattgreiðendum,“ segir í tilkynningunni. Félagið er sannfært um að skýr niðurstaða muni liggja fyrir hjá evrópskum dómstólum.
