Verð á fjölmörgum matvörum hækkar nú í Danmörku vegna nýs kostnaðarkerfis sem innleitt er samkvæmt reglum Evrópusambandsins um umbúðir og úrgang. Þetta nýja kerfi, sem kallast framleiðendaabyrgð (EPR), kveður á um að fyrirtæki greiði sveitarfélögum kostnað við móttöku, flokkun og meðhöndlun á umbúðaurgangi.
Samkvæmt upplýsingum frá TV2 hafa verslanir og birgjar þegar byrjað að færa hluta þessa kostnaðar yfir á neytendur með hækkuðu vöruverði. Innleiðingin á kerfinu er umfangsmikil og tæknileg, þar sem gjöldin ráðast af efnissamsetningu og þyngd umbúða. Ef vara er í fleiri en einu efni þarf að reikna gjald fyrir hvern lið, sem gerir verðlagningu flóknari.
Verslanir bíða nú uppfærðra innkaupsverða frá birgjum áður en þau staðfesta endanlegt verð á hillum. Því má búast við frekari verðhækkanir á næstunni. Rema 1000 hefur staðfest við TV2 að verðhækkanir á hluta vöruúrvalsins taki gildi í dag vegna þessa nýja kostnaðar.
„Við viljum ekki hækka verð en ef við gerum það ekki töpum við milljónum á viku,“ sagði Jonas Schrøder, samskiptastjóri hjá Rema 1000.
Samkvæmt samanburði sem miðlar hafa birt, hækkar dæmigerð innkaupakarfa með tíu vörum úr 233,95 dönskum krónum í 243,09 danskar krónur, eða um tæplega 4%. Þetta kemur í kjölfar þess að neytendaverð í Danmörku er nú að hækka, sem má að hluta rekja til nýrra reglna frá Evrópusambandinu um umbúðagjald.
